Kitabu hiki kimeandaliwa mahsusi kwa ajili ya wanafunzi wa Darasa la Tano kujifunza Sayansi na Teknolojia. Kinalenga kuwawezesha wanafunzi kukuza ujuzi wa uchunguzi, uvumbuzi, udadisi, ubunifu, pamoja na matumizi ya maarifa ya kisayansi na kiteknolojia.

Kitabu kina sura kumi na saba ambazo zinalingana na mahitaji ya muhtasari wa somo la Sayansi na Teknolojia kwa Darasa la Tano. Mada zilizopo ni pamoja na: viumbe hai, usindikaji wa chakula, uzazi kwa mimea na wanyama, mazingira, marekebisho ya viumbe kulingana na hali ya mazingira, nishati ya mwanga, nishati ya umeme, sumaku, nguvu katika vitu, mawasiliano, mashine rahisi, majaribio ya kisayansi, usafi wa mwili, huduma ya kwanza, magonjwa ya mlipuko, virusi vya UKIMWI na UKIMWI, na utoaji wa taka mwilini.

Zaidi ya hayo, maudhui ya kitabu hiki yamewasilishwa kwa kutumia vielelezo, maelezo rahisi, na kazi za vitendo. Pia, kuna mazoezi mengi yaliyolenga kupima na kuimarisha uelewa wa mwanafunzi kwa kila mada. Kitabu hiki pia kinasaidia kukuza ujuzi wa kusoma, kuandika, na kuhesabu kwa wanafunzi.